BUTUAN CITY – Padayon ang maayong kampanya ni Alex Eala human niini gipildi si Mananchaya Sawangkaew sa Thailand, 6-3, 6-2, aron makasulod sa semifinals sa Birmingham Open ning bunataga lang.
Bisan og naglisud sa pagsugod sa dula batuk sa Thai netter, nakuha sa Filipina Tennis star ang momentum sa dula aron maselyuhan ang kadaugan sulod sa usa ka oras ug 21 minuto.
Sa ikaduhang set, nakakuha pa og 2-1 si Sawangkaew adiser mibawi si Eala ug midaug sa lima ka sunod-sunod nga dula aron hingpit nga tapuson ang away.
Ingon anin usab ang nahitabo sa unang set diin nahimong tabla ang dula 1-1 ug midaug sa upat ka managsunod nga games para makuha ang dakong 5-1 nga labaw adiser gilsyuhan ang set, 6-3.
Tungod sa kadaugan, duha ka daug na lang ang kinahanglan ni Eala aron masakmit ang iyang ikaduhang WTA 125 title human makuha ang kampeonato sa Guadalajara niadtong nakalabay nga tuig.
