-- ADVERTISEMENT --
BUTUAN CITY – Sulod na sa Round of 16 si Filipina tennis star Alex Eala sa 2026 Canadian Open human niya gipildi ang Amerikanang si Caty McNally sa usa ka kulba-hinam nga dula nga mi-abot sa tulo ka sets 6-3, 5-7, 6-4.
Bisan napildi sa ikaduhang set, nakabangon si Eala sa deciding third set ug nakuha sa gikinahanglang mga puntos aron masira ang duwa pabor kaniya.
Pinaagi sa maong kadaogan, nakaabot si Eala sa last 16 sa Canadian Open, usa sa mga prestihiyosong WTA 1000 tournaments.
Sa Round of 16, atubangon ni Eala ang Swiss tennis star nga si Belinda Bencic.
