BUTUAN CITY – Puntirya ni Alex Eala nga masakmit ang ticket sa third round sa away nila Wang Xinyu sa China ning hapuna sa 2026 Italian Open nga ipahigayon sa Rome, Italy kondiin tinguha niyang makaresbak sa Chinese bet.
Madumdumang napildi si Eala kang Wang sa semifinals sa ASB Classic sa Auckland, New Zealand niadtong Enero sa iskor nga 7-5, 5-7, 4-6 rason nga la-umang ibuga na ni Eala ang tanan niyang kusog aron masakmit ang target niyang resbak.
Mi-agi una sa kalisod si Eala sa opening round kondiin napugngan niya ang hagit ni Polish netter Magdalena Frech advisor nasakmit ang 6-0, 3-6, 6-4 nga kada-ugan.
Kini ang unang kada-ugan ni Eala sa Italian Open human sayong nataktak sa torneo sa singles event ning mi-aging tuig
Base sa draw, anaa sa linya ni Eala si reigning Australian Open champion Elena Rybakina sa Kazakhstan samtang mag-agbat usab sila Rybakina ug Sakkari sa second round sa managlahing away.
Kung mudaog si Eala, siguradong maka-agbat niini si Rybakina nga paboritong mudaog batuk kang Sakkari sa ilang binakbakay.
