BUTUAN CITY – Mi-abot sa 389 ang cumulative dengue cases nga natala sa Adela Serra Ty Memorial Medical Center nga nakabase sa Tandag City, Surigao del Sur.
Base sa ilang latest monitroing, sa maong ihap, 45 ang pabilin pang na-admit human nadugangan og siyam ka mga bag-o samtang 338 na ang na-discharge ug unom ang natalang patay. Mihimo na og aksyon ang maong institusyon sa ingon masumpo na ang mga kaso sa dengue pinaagi sa pagpakusog sa ilang alert status gikan sa code white ngadto na sa code blue ug nagpatuman sa ilang mga action plans sa ingon ma-mitigate ang nagkataas nga natala nilang hospital bed occupancy rate.
Apil sa ilang gi-monitor ang mga medical supplies ug mga blood supplies apil na ang mga health education activities uban sa ilang mga partners sa panglawas.
