BUTUAN CITY- Gibutyag ni Senate President Pro Tempore Panfilo “Ping” Lacson, nga adunay posibilidad nga dili mag convene ang Sinado isip Impeachment Court, ugaling i-transmit sa House of Representatives ang Articles of Impeachment batok kang Vice President Sara Duterte.
Sumala ni Lacson kinahanglang magdesisyon matud pa ang mga senador isip Representante sa Senado kung mag-convene isip Impeachment Court taliwa sa hulga sa pagbabag niini sa pipila ka Senador sa Minorya. Pagklaro sa Senador, nga bisan responsibilidad sa Senado nga magconvene isip impeachment court, kung adunay mag motion gikan sa Minority Block pagabotohan kini.
Pag-insistar ni Lacson, nasunod matud pa niini ang kagustohan sa mayorya mao nga kung makakuha og igo nga ihap ang oposisyon, posibleng dili mag convene ang Senado. Apan taliwa paman niini, kumpyansa usab si Lacson nga magpabiling lig-on ang pondayon ug relasyon sa Majority Block sa liderato ni Senate President Vicente “Tito” Sotto III.
Kahinumdumang una nang gibutyag ni Senador Robin Padilla, nga lakip matud pa sa responsibilidad sa minorya isip Oposistion nga mokontra sa tanang hisgutanan sa Senado ingon man ang Impeachment. Gani, dili matud pa sila tawagon nga bias ugaling babagan nila ang pag-convene.
Samtang gilimod usab kini nila Senate Minority Leader Alan Peter Cayetano, Senators Imee Marcos ug Jinggoy Estrada, kung asa wala pa matud pay nahisgutan ang ilang hanay nga lakang kalabot sa hisgutanang Impeachment.
