-- ADVERTISEMENT --

BUTUAN CITY – Welcome development alang sa grupong Filipino Nurses United ang gidusong sugyot-balaudnon ni Senador JV Ejercito nga dugangan og 52-bilyunes pisos ang pundo sa health sector sa nasud alang sa sunod tuig 2027 base ba usab sa giduso niining committee report.

Sa eksklusibong pakighinabi sa Bombo Radyo Butuan, gipadayag ni Filipino Nurses United President Jocelyn Andamo nga usa kini ka maayong balita alang sa katawhang Filipino kung matinuod kini ilabina nga sa tinud-anay nga senaryo, gikibhangan pa man gani sa House of Representatives ang pundo sa health sector.

Sigon ni Andamo, daghan pa kini og agi-an apil na sa Bicameral Conference Committee ug iduso pa sa Office of the President aron mapirmahan. Higayong mariyalisar matud pa kini, dako ang posibilidad nga matuman na usab ang plano sa gobyerno nga mag-hire og dugang mga health workers.

Gidugang ni Andamo nga sa pagkakaron, kaya pa sa ihap sa mga nurses sa nasud ang pag-atiman sa mga pasyente ilabina kung madugangan ang mga plantilla positions.

Dugay na matud pa nga panahon nga wala pa matapali sa nasudnong kagamhanan ang maong bakanteng posisyon bga gibana-banang mu-abot sa 3 ngadto 4-mil kansa gibasol pa ngadto sa mga registered nurses nga wala mag-apply.

-- ADVERTISEMENT --