-- ADVERTISEMENT --

BUTUAN CITY – Giklaro ni Wilfredo Ybañez Jr, Presidente sa Butuan City Federation of Tricycle Cooperatives kon BUCFEDTCO nga dili na bag-o alang sa transport sector ang pag-require sa local government nga magmontar og GPS sa matag-yunit sa ilang traysikol.

Kini tungod kay apil matud pa kini sa nakalatid sa Tricycle Modernization Program ka-uban ang ngadto-ngadto nga pagtaud usab og dash camera ug closed circuit television kon CCTV.

Sa eksklusibong pakighinabi sa Bombo Radyo Butuan, gipadayag ni Ybañez nga tumong sa city government nga maprotektahan ang riding public ug mga tricycle drivers ingon man operators sa mga kooperatiba.

Gidugang pa ni Ybañez nga preparado na sila niini apan mihangyo una sila sa city government nga lugwayan usa ang pagpatuman niini tungod sa krisis nga nasinatian karon sa tibuok kalibutan ilabina nga mahal ug bug-at alang kanila ang pag-purchase na sa GPS tracker.

Naningkamot matud pa ang mga transport cooperatives ning siyudad nga ma-comply nila kini alang sa kaluwasan sa tanan.

-- ADVERTISEMENT --

Ang kamahal matud pa sa maong proyekto ang rason nga padayon ang pagpangita nila og paagi mapagaan ang ilang galastuhan niini ilabina nga ang tanang yunit gayod ang tauran og GPS.