BUTUAN CITY- Gipadayag ni USec. Leo Herrera-Lim sa pagbukas sa 32nd ASEAN Political-Security Community Council Meeting nga padayon nilang gi-atubang ang mga dugay nang hagit sa rehiyon, lakip ang sitwasyon sa Myanmar.
Ming-atubang sa grabeng armed conflict, humanitarian crisis, pagpabakwit sa mga sibilyan, ug kawalay stability ang nasud sa pagsulod niini sa ika-lima ka tuig nga krisis ug mga suliraning nagresulta og dakong hagit sa kalig-on sa tibuok organisasyon.
Matud pa niini, gipakita sa kasamtangang geopolitical landscape ug sa mga nahitabo karung tuig kung unsa ka paspas ma-utro ang sitawasyon palibot sa ilang mga inisyatiba.
Naghatag kini og usa ka importanteng leksyon kansa ang kredibilidad ug kamahinungdanon sa ASEAN masukod pinaagi sa kung giunsa niini pagtubag ang mga hagit—mga hagit nga dili masulbad sa nagdumala nga chair lamang, kondili nagkinahanglan usab sa kolektibong kooperasyon sa tanang miyembrong nasud.
Gihatagan og ginbug-aton usab niini nga ang pag-uswag sa komunidad og ekonomiya ug socio-cultural dili pwedeng ibuwag sa mga kundisyong pampulitika ug panseguridad nga maghatag og dalan aron magtugot kanila nga molambo.
Sukad niadtong nagmetting ang council, unom na ka buwan ang minglabay, ang maong mga kondisyon nakasinato og tensyon tungod sa mga armadong panagbangi, geopolitical tensions, hulga sa enerhiya, ug transnational crimes.
Dugang pa ni Lim, dili igo ang pagmintinar lanag sa kasamtangang dagan sa organisasyon, kundi importanteng masiguro nga epektibong matubag ang kooperasyon sa mga ming-uswag nga mga panginahanglan pinaagi sa konkretong aksyon batok sa mga online scam, pagpangandam sa kalamidad, ug kooperasyon sa utlanan.
Sa kampo sa Pilipinas isip ASEAN Chair, matud niini nga ang maong pagpangulo ming-abot sa usa ka kritikal nga bahin sa kasaysayan, nga nagmando sa rehiyon nga moha-om sa sitwasyon ug himuon ang mga nangaging pasalig nga mahimong konkretong mga resulta.
