BUTUAN CITY-Gikatakdang ipahigayon nila US President Donald Trump, Russian President Vladimir Putin, ug Chinese President Xi Jinping ang pinaka-unang three-way meeting sa mga lider sa Estados Unidos, Russia, ug China sa Shenzhen sunod simana sa sidelines sa Asia-Pacific Economic Cooperation (APEC) summit.
Sumala sa White House, tumong ni Trump nga hisgutan sa meeting karung Huwebes ang pagpakunhod og nuclear arsenals sa kalibotan ingon man ang nagpadayon nga kagubot sa Amerika sa Iran.
Bisan paman, wala gilaoman nga hisgutan ang giyera sa Russia sa Ukraine tungod adunay buwag nga negosasyon ang Washington tali sa Kyiv ug Moscow kung asa dili parte ang China.
Ubanan ni Tesla ug SpaceX boss Elon Musk si Trump sa biyahe apan dili kini mo-attend sa meeting, samtang aduna usab buwag nga bilateral working lunch sila Trump ug Xi apan walay gikatakdang one-on-one meeting kang Putin.
Gisiguro usab sa mga opisyal sa Amerika nga dili hisgutan sa meeting nila Trump ug Xi ang pagkanaog ni Nvidia CEO Jensen Huang ug ang export controls sa Estados Unidos sa mga sensitibong chip technology.
