BUTUAN CITY – Wala’y pulos kon useless lang alang sa Bangon Sambayanan ang gidusong impeachment complaint batuk kang Vice President Sara Duterte tungod kay taliwa nga anaa na sa ika-43 ka adlaw ang impeachment trial, wala gihapon ma-solidify kon mapalig-on sa House prosecution panel ang ilang alegasyon ilabina sa gihingusgan nilang unexplained wealth tungod sa kawala’y kongretong mga ebidensyang mutukma sa mga niini.
Sa eksklusibong pakighinabi sa Bombo Radyo Butuan, gipadayag ni Bangon Sambayanan Secretary General Jeffrey ‘Ka Eric’ Celiz nga maka-uulaw kini tungod kay dili man diay matud pa, kayang barugan ug pamatud-an sa House prosecution panel ang ilang mga akusasyon pinaagi sa pagpresenta sa mga factual evidences rason nga ipamugos na lang kini pinaagi sa pag-intimidate ug pagpang-bully sa mga saksi sa defense team.
Dugang pa ni Celiz, ang mas makadismaya mao ang pagtinabangay na sa mga senador nga gustong ma-impeach si VP Sara pinaagi sa pag-bully sa mg saksi ug nagpaklaro na sa ilang pagka-bias inay nga mahimo unta matud pang impartial.
Partikular nga gitumbok ni Celiz ang managsoong Senator-Judges Raffy ug Erwin Tulfo nga klarong nag-intimidate sa mga saksi sa depensa. Kini gawas pa sa dili pagkapatas sa mga house prosecutors nga magpataka lang og yawyaw ngadto sa mga saksi.
