BUTUAN CITY- Anaa sa kaugalingong desisyon nalang matud pa ni Senator Ronald “Bato” Dela Rosa kung mo surrender kini adise ang gitakdang deadline sa panggamhanan ugmang adlawa Biyernes, sumala sa abogado niini nga si Israelito Torreon.
Sigon ni Torreon, nasayod na ang senador sa mga posibleng sangpotanan sa pagsurrender o dili pagsurrender niini. Kataposan matud pa nga nakahimamat niadto pang Mayo, dihang magpakita si Dela Rosa sa Senado.
Mipasaka usab ang legal team sa senador og bag-ong manifestation sa Korte Suprema aron hangyon nga susihon pag-usab ang unang pagsalikway sa hangyo alang sa temporary restraining order batok sa pag-aresto niini. Lakip sa mga bag-ong kalamboan nga gipresentar mao ang pagpahibalo sa ganti nga P50 ka milyon alang sa impormasyon nga mosangpot sa pagkasikop niini.
Gikwestyon usab ni Torreon ang legal nga basehan sa pabuya ug gi-insistar nga walay warrant of arrest nga gipagawas sa korte sa Pilipinas batok sa senador. Gihagit usab niini ang basehan sa pagdedeklarang wanted ug armed and dangerous si Dela Rosa, ug mipasidaan sa posibleng risgo sa kinabuhi sa kliyente niini.
