BUTUAN CITY- Sulod na sa Toray Pan Pacific Open si Filipina tennis star Alex Eala human gipildi ang Australian player nga si Talia Gibson sa tulo ka set, 4-6, 6-2, 6-0, sa Round of 16 sa torneo.
Naglisod si Eala sa unang set human ang dikit nga away apan nakuha kini ni Gibson sa iskor nga 6-4.
Gilayon usab nga mingbawi ang Pinay tennis star sa ika-duha nga set, kung asa inanay niining nakontrol ang dula ug gipakita ang mas agresibong performance, lakip ang mga service ace, aron madomina ang set sa iskor nga 6-2.
Sa deciding third set, hingpit nga gidaog ni Eala human gidomina ang dula ug wala gipaskor si Gibson. Gitapos niini ang away sa skor nga 6-0 aron makasiguro og pwesto sa quarterfinals.
Human sa away, nagpasalamat si Eala sa mga Pilipinong mibyahe sa Japan aron personal kining suportahan. Mingsaad usab kini nga makita pag-usab ang mga supporters niini sa sunod nga hugna sa torneo.
