BUTUAN CITY- Gipadayag sa mediator sa Qatar nga ang Estados Unidos ug Iran padayon gihapon nga nakig-coordinate sa usag-usa aron matapos ang kagubot sa Tunga-tungang sidlakan, taliwa sa pito ka buwan nga panagbangi.
Sumala ni Ibrahim Al-Hashmi, usa ka opisyal sa foreign ministry, gikonsiderar sa mga dili direktang negosasyon ang mga reklamo sa nagkanda-iyang kampo.
Bisan pa sa usa ka ceasefire niadtong Abril, usa ka memorandum of understanding niadtong Hunyo ug mga koneksyon sa UN General Assembly niadtong miaging buwan, nagpabiling wala magkasinabot ang Washington ug Tehran kalabot sa pamatigayon ug transportasyon sa lana sa Strait of Hormuz.
Niadtong Lunes, sigon ni Iranian President Masoud Pezeshkian nga ang pakigpulong sa US “meaningless” o wala gihapoy pulos tungod nagresullta lamang matud pa kini og mga bag-ong pag-atake.
