-- ADVERTISEMENT --
BUTUAN CITY – Subling nagpalupad og ballistic missile kaganinang buntag, ang North Korea ngadto sa kadagatan nga duol sa South Korea.
Sumala sa Joint Chiefs of Staff o JCS sa South Korea, gikan sa Wonsan City sa Korean Peninsula ang ballistic missile ug gilupad kini padulong sa kadagatan hinungdan nga gipataas sa militar sa South Korea ang ilang alert level aron mamonitor ang kahimtang.
Nagpagawas usab og emergency alert ang Japan kalabot sa maong missile launch.
Ang pagpalupad sa missile nahitabo human gibatikos ni Kim Yo Jong, igsoon sa North Korean leader nga si Kim Jong Un, ang South Korea tungod sa pagpamugos niini nga mangayo og pasaylo ang North Korea sa pagpabusikad sa usa ka landmine duol sa Military Demarcation Line.
