BUTUAN CITY- Gisuspinde pag-usab sa Bureau of Internal Revenue kon BIR ang pagkolekta sa excise tax sa liquefied petroleum gas kon LPG ug kerosene sugod kagahapong adlawa Setyembre 28, 2026, subay sa Revenue Memorandum Circular No. 100-2026 ug Executive Order No. 125 ni President Ferdinand Marcos Jr., isip temporaryong kahupayan alang sa mga konsumidor.
Sumala sa BIR, gihimo ang suspensyon human mingkabat sa $99.41 matag bariles ang average nga presyo sa Dubai crude oil, kansa milapas sa $80 threshold nga gitakda sa balaod.
Ubos sa bag-ong mando, suspendido ang excise tax sa LPG gawas kung gamiton isip hilaw nga materyales sa petrochemical industry sa sakyanan, samtang suspendido usab ang buhis sa kerosene gawas kung gamiton isip aviation fuel.
Mobalik ang regular nga pagpaningil sa buhis kung moubos pag-usab sa $80 kada bariles ang presyo sa krudo sulod sa usa ka semana human sa sertipikasyon sa Department of Energy, o kung molabay ang tulo ka bulan gikan sa pagkaepektibo sa maong mando.
