BUTUAN CITY – Gipadayag ni kanhi Alliance of Concerned Teachers kon ACT Teachers partylist Rep France Castro nga importante alang sa panig sa House Prosecution Panel ang testimoniya sa mga saksi batuk sa alegasyong unexplained wealth ni Vice President Sara Duterte.
Partikular niini ang mga kompanyang gikutay kaniya nga iyang gideklara sa iyang Statement of Assets, Liabilities and Networth kon SALN.
Sigon ni Castro, bisan og wala makita ang pangalan sa besi presidente sa records sa maong mga kompanya, klaro gihapon matud pa nga duna siya’y tulubagon niini nga iyang gitu-uhang mugna sa pagdili sa balaud nga musulod og negosyo ang presidente, besi-presidente ug mga executive officials sa nasud.
Samtang sa hisgutanang pagpa-ubos sa voting threshold alang sa impeachment conviction ni VP Sara, nagtuo si Castro nga wala’y hold niini ang Korte Suprema gawas na lang kung anaa sa sitwasyon nga duna’y grave discretion ang taas nga hukmanan kung hisgutan ang impeachment sa rasong duna’y sole responsibility niini ang Senate impeachment court.
Gawas pa, dili matud pa mahimong mag-review ang Korte Suprema sa bisan unsa mang desisyon gawas kung duna’y grave discretion.
