BUTUAN CITY- Gikoronahan isip Miss Elite World 2026 ang representante sa Pilipinas nga si Sophia Bianca Santos, human sa kompetisyon nga gihimo sa Somabay, Egypt niadtong Septiyembre 18, 2026, diin nakigkompetensya kini batok sa 36 ka delegates gikan sa nagkadaiyang nasud.
Na-angkon usab ni Santos ang Best in Evening Gown award ug sa final question-and-answer gipasiugda niini ang papel sa social media isip himan sa paghiusa sa mga tawo kung gamiton kini sa hustong katuyoan.
Kabahin sa iyang advocacy ang SOPH HEART nga nagtutok sa paghatag og gahum ug suporta sa Indigenous communities, ilabi na sa mga kabatan-onan. Ang iyang kadaugan nagpadayon usab sa maayong performance sa Pilipinas sa maong kompetisyon human sa pagdaog ni Juvyel Anne Saluta sa miaging edisyon.
