-- ADVERTISEMENT --
BUTUAN CITY- Gi-awhag ni Senador JV Ejercito ang Department of Energy kon DOE nga sugdan na ang pagtukod sa strategic fuel reserve aron maseguro ang padayon nga suplay sa lana ug malikayan ang grabe nga pagsaka sa presyo panahon sa global energy crisis.
Tumong sa DOE nga anam-anam nga mapalapad ang fuel stockpile hangtod sa 90 ka adlaw nga suplay, diin 30 ka adlaw gikan sa pribadong kompanya ug 60 ka adlaw mahimong reserve sa gobyerno.
Gihangyo usab ni Ejercito ang DOE nga paspasan ang pagtukod sa mga power-generation projects tungod sa kakulang sa suplay sa kuryente sa Visayas, samtang temporaryong nagdeploy ang gobyerno og mga barge ug battery energy storage system.
