BUTUAN CITY – Miabot sa 61 ka Patrolwoman ug 141 ka Patrolman ang kwalipikadong nadawat sa Police Regional Office 13 kon PRO 13 ubos sa 2026 Attrition ug Regular Recruitment Programs.
Sa wala pa ang opisyal nga panumpa, gibasahan sila ni PCol. Dennis Siruno, hepe sa Regional Personnel and Records Management Division kon RPRMD, sa ilang appointment order nga epektibo niadtong Setyembre 14, 2026.
Makadawat usab ang mga niini og P31,151 nga sinugdanang binuwan nga sweldo isip police personnel sa Philippine National Police kon PNP.
Gipasabot usab ni PCol. Vimellee R. Madrid, hepe sa Regional Training Center kon RTC-13, nga adiser ipadala ang mga bag-og nadawat sa PNP ngadto sa Surigao City alang sa unom ka bulan nga pagbansay, hatagan og higayon ang 61 ka mga patrolwomen ug 141 ka mga patrolmen nga makigkita ug makapanihapon uban sa ilang mga pamilya.
Lakip sa 202 ka bag-ong kwalipikadong PNP recruits ang mga miyembro gikan sa Indigenous Peoples kon IP community.
Human sa mandatoryong unom ka bulan nga pagbansay pinaagi sa Public Safety Basic Recruit Course (PSBRC), mosunod pa ang laing unom ka bulan nga field training sa nagkadaiyang police stations sa dili pa sila pormal nga itudlo sa ilang tagsa-tagsa ka assignment.
