BUTUAN CITY- Gihimo sa Commission on Elections kagahapong adlawa Sabado ang final testing and sealing sa automated counting machines sa Mindanao isip parte sa kataposang pagpangandam sa makasaysayang Bangsamoro Autonomous Region in Muslim Mindanao parliamentary elections.
Personal nga gisaksihan ni Comelec Chairman George Garcia ang pagbansay ug pag-seal sa mga makina sa Cotabato City Institute sa Cotabato City, usa sa mga gitudlong polling center.
Gihimo ang maong proseso aron sigurohon ang husto ug porsyentong ka-andam, ingon man ang luwas, plastar, ug matinud-anon nga pagpahigayon sa election ugmang adlawa, lunes Setyembre 14.
Naka-standby usab ang mga police personnel sa Dalican Pilot Elementary School sa Datu Odin Sinsuat, Maguindanao del Norte samtang gi-huwat ang pag-abot sa mga gamitong makina.
Sumala sa tigdumala sa Dalican Pilot Elementary School, gamiton ang 16 ka tunghaan isip polling places kung asa matag kwarto butangan og tig-usa ka automated counting machine.
Samtang, gi-usa usab sa full alert status ang Philippine National Police sa tibuok rehiyon sa BARMM aron masiguro ang kalinaw ug seguridad sa unang parliamentary elections sa lugar.
