BUTUAN CITY- Gipasiugda ni Senate Committee on Health Vice Chairman Senator Bong Go sa Department of Health (DOH) nga dili angay isalikway ang bisan kinsang pasyente, ilabina ang mga kabus nga nagsalig lamang sa mga Government Hospitals alang sa ilang panginahanglanon sa panglawas.
Sa pagdungog sa Senado alang sa proposed budget sa DOH sa sunod tuig, gisuportahan ni Go ang pondo sa ahensya apan iyang gipangayo nga masiguro nga matag sentimo sa health budget magamit sa hustong paagi ug direktang makabenepisyo sa katawhan, ug dili mahimong instrumento sa pamumulitika.
Sa bahin sa DOH, ilang gipasalig nga ipadayon ang mga programa aron mapadali ang pagkuha og medical assistance sa mga nanginahanglan, lakip ang pagsiguro sa igong pondo alang sa padayong operasyon sa Malasakit Centers sa nagkadaiyang lugar sa nasud.
