BUTUAN CITY- Naka-alerto na ang Manila Health Department ug mga ospital sa syudad sa Maynila alang sa posibleng pagdaghan sa mga pasyente.
Sumala ni Manila Mayor Isko Moreno, ang pagpangandam subay sa nasinating dili luwas nga hangin o ‘unhealthy air quality’ sa syudad.
Gimandoan usab sa Mayor ang Manila City Disaster Risk Reduction and Management Department nga padayong i-monitor ang kalidad sa hangin.
Sigon pa niini, dili lang kini sa syudad kundi pati na usab sa tibuok Manila kinsa nakasinati sa hugaw nga kalidad sa hangin.
Base sa impormasyon, naggikan kini sa nagpadayon nga ‘forest at land fires’ sa silingang nasud nga Indonesia mao nga pati ang nasud Pilipinas apektado.
Pahimangno pa sa Mayor nga magsul-ob og ‘mask’ aron maproteksyunan ang kahimsog gikan sa epekto sa hugaw nga hangin.
