BUTUAN CITY– Gipasigarbo ni Marc Ariel Langanlangan wrestling coach sa duha ka batan-ong student-athlete nga sila Adrianne Cellan ug Rexel Gerdinilla gikan sa Barangay Baobaoan ning syudad sa Butuan ang kalampusan nga nahimo niini human nakadaog og gold medal ug karon opisyal nang nahimong mga miyembro sa Philippine Team Wrestling.
Sumala ni Langanlangan, nga bisan pa sa ilang kahimtang nga gikan sa mga pamilyang adunay limitado nga panginabuhi, ug bisan kulang sa husto nga mga kagamitan ug naggamit lamang og substandard nga wrestling mats sa ilang pagbansay, wala sila mohunong sa pagpaningkamot hangtod ilang nakab-ot ang kadaugan.
Dugang pa sa Coach, nga gipakita sa duha ka batan-on ang dakong dedikasyon, disiplina ug paglahutay bisan pa sa mga hagit nga ilang giatubang, kansa nahimong inspirasyon ug dakong garbo sa ilang komunidad ug sa tibuok Butuan City. Sigon pa ni Coach Langanlangan, ang ilang kalampusan nagpamatuod nga dili babag ang kakulang sa kagamitan o lisod nga kahimtang sa kinabuhi kung adunay determinasyon, paningkamot ug lig-on nga pagtuo sa kaugalingon.
