BUTUAN CITY- Gipahugtan sa Department of Health (DOH) ang pagmonitor sa pito ka rehiyon tungod sa pagsaka sa kaso sa leptospirosis, lakip ang Soccsksargen, Central Visayas, Western Visayas, Cordillera, Negros Island Region, Bicol ug Cagayan Valley.
Sa tibuok nasod, nakarekord na og 6,253 ka kaso sa leptospirosis karong 2026, kansa 12 porsyentong mas ubos kumpara sa susamang panahon niadtong 2025, apan misaka og 77 porsyento ang mga kaso niadtong Agosto 2 hangtod 15.
Gipakusgan usab sa DOH ang pag-andam sa mga ospital ug pag-apod-apod sa pasyente, ilabi na kadtong nanginahanglan og dialysis ug mas taas nga lebel sa medical care, samtang kapin 1.2 milyon ka kapsula sa doxycycline ang na-deliver na sa mga apektadong lugar alang sa prophylaxis.
Bisan pa sa kinatibuk-ang pagkunhod sa mga kaso sa dengue, cholera, typhoid fever ug ubang water-borne diseases kumpara sa miaging tuig, nakamatikod ang DOH og localized increases sa pipila ka rehiyon, busa padayon ang hugot nga surveillance aron malikayan ang dugang nga pagkaylap sa mga sakit.
