BUTUAN CITY- Sayo nga nahuman ang mixed doubles campaign sa Filipina tennis star nga si Alex Eala ug sa iyang Canadian partner nga si Felix Auger-Aliassime human sila napildi sa tambalanan nila Elina Svitolina ug Gael Monfils sa skor nga 1-4, 1-4, sa unang hugna sa 2026 US Open mixed doubles.
Milungtad lamang og 39 minutos ang duwa nga gigamit ang FAST4 format, diin ang unang pares nga makakuha og upat ka games maoy modaog sa set. Maayo ang pagsugod nila Eala ug Auger-Aliassime human makuha ang unang game sa unang set, apan dali nga nakabawi sila Svitolina ug Monfils ug nakadaog og upat ka sunod-sunod nga games.
Sa ikaduhang set, nakalamang na usab ang Filipino-Canadian pair sa 1-0, apan dali silang natabonan sa ilang mga kontra nga mipadayon sa ilang momentum hangtod sa pagkuha sa kadaugan, 4-1.
Bisan pa sa sayong pagtapos sa iyang mixed doubles campaign, magpadayon pa ang kampanya ni Eala sa US Open tungod makigsangka pa kini sa women’s singles nga magsugod sa Agosto 30. .
