BUTUAN CITY- Gitugotan sa Sandiganbayan 5th Division si Sen. Jinggoy Estrada nga temporaryong mogawas sa New Quezon City Jail ugmang adlawa Agosto 26 aron magpa-X-ray sa iyang mga tuhod sa usa ka pribadong ospital.
Sa resolusyong gipagawas kagahapon Lunes, Agosto 24, sigon sa korte posibleng molakaw si Estrada sa presohan alas -11 sa buntag arom mopa-ilawom sa medical procedure sa Cardinal Santos Medical Center pasado ala-1 sa hapon.
Gilaomang makabalik ang senador sa detention facility inigabot og alas-3 sa hapon human ang iyang appointment.
Kinahanglan usab nga ubanan si Estrada sa mga angay nga security escort samtang anaa gawas sa presohan.
Nakalatid usab sa resolusyon nga tubagon mismo sa senador ang tanang galastuhon alang sa ospital, medical fees, transportasyon ug uban pang adunay kalabotan sa bayranan.
Una na usab gikomperma sa iyang legal counsel sa Sandiganbayan 2nd Division nga adunay osteoarthritis ang duha ka tuhod ni Estrada.
Kasamtangang nakadetine si Estrada kalabot sa mga kasong plunder ug graft nga adunay kalabotan sa anomalya sa flood control projects.
