BUTUAN CITY- Magdala og dag-om nga kalangitan, kanat-kanat nga pa-uwan ug thunderstorms ang Southwest Monsoon o Hanging Habagat sa daghang bahin sa Luzon karong adlawa Martes, sumala sa PAGASA.
Padayon usab nga gibantayan sa weather bureau ang duha ka tropical cyclone ug usa ka Low Pressure Area (LPA) gawas sa Philippine Area of Responsibility (PAR), lakip ang Typhoon Saudel o kanhi Bagyong Obet, Tropical Storm Atsani ug LPA nga kanhi Tropical Depression Gaenari o Neneng.
Gilauman ang mga pag-ulan sa Metro Manila, Ilocos Region, Cordillera Administrative Region, Cagayan Valley, Central Luzon, Cavite, Batangas ug Rizal, diin posible ang flash floods ug landslides tungod sa kasarangan hangtod kusog nga ulan.
Sa ubang bahin sa Luzon, mahimong makasinati og partly cloudy hangtod cloudy nga kalangitan nga adunay isolated rain showers o thunderstorms.
Gidasig sa PAGASA ang publiko, ilabina ang mga nagpuyo sa lugar nga dali mabahaan ug landslide-prone area, nga magpabiling alerto ug mosubay sa pinakabag-ong weather advisories.
