BUTUAN CITY- Nasikop sa Kuala Lumpur, Malaysia ang negosyanteng si Chanda Atienza, kansa dugay nang gipangita sa National Bureau of Investigation kon NBI tungod sa giingong investment scam ug paglapas sa Securities Regulation Code, sumala sa pagkumpirma sa beauty queen ug influencer nga si Lars Pacheco.
Lakip usab nga nasikop ang igsoon niining si Vilma Atienza. Si Chanda mao ang tag-iya sa beauty clinic nga Dermacare nga kaniadto adunay mga artista sama nila Neri Naig ug Rufa Mae Quinto isip mga brand ambassador.
Si Neri nalambigit kaniadto sa reklamong syndicated estafa apan niadtong Marso 2025, apan nakita sa Pasay City Court nga walay igo nga ebidensya aron kasuhan kini, samtang si Rufa Mae boluntaryong misurender sa NBI niadtong Enero 8, 2025 tungod sa warrant of arrest ug nakapagpiyansa og P1.7 milyon, apan gibasura usab ang kaso batok niini niadtong Abril.
Giingong nadamay lamang ang duha ka artista tungod sa ilang pagka-brand ambassador sa negosyo ni Atienza.
