BUTUAN CITY – Padayon ang mga anti-illegal drug operations sa Philippine Drug Enforcement Agency kon PDEA-Caraga sama sa drug buy-bust operations ingon man information dissemination sa mga tunghaan.
Sa eksklusibong pakighinabi sa Bombo Radyo Butuan, gipadayag ni PDEA-Caraga spokesperson Dindo Abellanosa nga usa sa natala nilang kalampusan ang pagpang-ibot nila sa marijuana plantation sa lungsod sa Dapa, Surigao del Norte.
Nasikop matud pa nila ang nagtanom niini nga mi-angkong alang lamang sa iyang personal nga gamit.
Giklaro ni Abellanosa nga bisan og gamay lang ang gipangtanom nga marijuana, ilegal gihapon kini ilabina kung buhi ang tanom tungod kay kalapasan kini sa section 16, article 2 sa Republic Act 9165 kon mas naila nga ‘cultivation of marijuana’ kansa duna’y silot nga tibuok kinabuhing pagkabilanggo.
