BUTUAN CITY- Gi-insistar ni Iran President Masoud Pezeshkian nga panahon na aron taposon ang pila na ka buwan nga giyera sa Middle East ug sa Estados Unidos.
Sa usa ka meeting, gipadayag sa Presidente nga mas maayong tapuson na ang giyera karun samtang ang mga niini aduna pay kusog ug dangal.
Matud niini, giila sa tibuok kalibutan ang ilang kadaugan ug gipasiugda nga ang Amerika ang miatake sa ilang mga eskwelahan, ospital, ug imprastraktura nga supak sa tanang regulasyon, butang nga kuno gidumtan sa tibuok kalibutan.
Gidepensahan usab ni Pezeshkian ang nasabutang memorandum of understanding uban ang Amerika niadtong Hunyo kansa nagtumong nga tapuson na ang giyera, ug gi-insistar nga dili kini sinyales sa kapildihan alang sa Tehran.
Wala matud pay nakabutang sa kasabotan sa ilang “pagsurrender” ug ang tanang commitments alang lang sa pikas kampo.
Gihimo sa Iran President ang pamahayag human gibutyag ni Supreme leader Mojtaba Khamenei nga gi-aprobahan niini ang kasabotan aron tapuson ang giyera taliwa sa managlahing panan-aw.
