BUTUAN CITY – Subling nagpakitang-gilas ang 13-anyos nga si Keirsten Fernandez human niya masakmit ang iyang ikaduhang gold medal sa Asian Open Short Track Speed Skating Trophy sa India.
Nanguna si Fernandez sa Junior C Girls’ 777-meter event nga igo aron mapildi si Rachel Yi Lin Tan sa Australia ug ang ubang mga entrante.
Kagahapon, nakadaog usab siya og gold medal sa 1,000-meter event sa maong age category, nga maoy unang gold medal nga nakuha sa Pilipinas sa kasaysayan sa maong torneyo.
Nakadugang usab og medalya alang sa nasod si Xsandrie Guimba, nga nakadaog og silver sa senior women’s 1,000-meter event samtang ang 8-anyos nga si Zymone Zurbito nakakuha og bronze sa Junior F Boys’ 333-meter event.
Sa kinatibuk-an, upat na ka medalya ang nasakmit sa Pilipinas sa maong torneyo
