BUTUAN CITY – Bisan pa man og nagkapuliki og translate ngadto sa pinulungang Filipino aron lang maklaro ang kasagari, Binisaya nga testimoniya ni Gina Acosta, pasensyuso gihapon kining gihimo ni House private prosecutor Virgil Ligutan aron lang iyang ma-establisar ang mga grounds sa pagtawag niya ni Acosta nga hostile witness sa impeachment complaint batuk kang Vice President Sara Duterte.
Kini gumikan sa rasong dili matud pa kini witness sa prosekusyon sa pagsugod sa day 16 sa maong pagtaral, ilabina nga mao kini ang kasamtangang Vice Presidential Staff Officer VI sa Office of the Vice President kon OVP.
Giklaro usab ni Atty Ligutan nga nagsilbi si Acosta nga special disbursing officer kon SDO sa OVP niadtong tuig 2022 hangtud 2023 – ang trabaho nga gipadayon matud pa niini human nagsilbing SDO sa confidential fund niadtong mayor pa sa Davao City si VP Sara sa tuig 2019 hangtud 2022.
Gisaysay pa ni Ligutan nga staff member usab si Acosta sa Davao City Administration Office gikan niadtong tuig 2016 hangtud 2022.
Dinhi na usab gi-usa usa ni Atty Ligutan ang gihimong withdrawal sa OVP ilabina sa last quarter niadtong tuig 2022 kondiin 125-milyunes pisos nga confidential fund sulod lang sa 11 ka mga adlaw nga wala’y liquidation kon wala’y kompletong dokumento aron mapruybahan ang ilang bayad.
Gipakita usab niini ang kamanduan sa OVP ngadto kang Acosta pagpa-encash 500-milyunes pisos niadtong Disyembre 20, 2022; Pebrero 6, Abril 6; Abril 25 ug Hulyo 14, 2023.
Kini gawas pa sa gigasto nga 375-milyunes pisos nga confidential fund sa OVP sa ikatulong kwarter niadtong 2023 nga wala’y saktong liquidation o wala;y kompletong mga dokumento.
