BUTUAN CITY – Gikalipay sa mga stall owners sa Langihan Public Market ang napirmahang tulo ka tuig nga kontrata nila tali sa lokal nga kagamhanan ning siyudad sa Butuan pagpanguna sa City Economic Enterprise Department kon CEED.
Sigon ni Ryan Anthony Culima, presidente sa mga stall owners, pinaagi sa maong kontrata, duna na sila’y kuptan nga security of tenure tungod kay dili na man unya basta-basta na lang mapapahawa kung duna’y himuong improvement ang city government.
Apan taliwa pa man niini, dakong hagit alang kanila ang pagdagsa sa imported meat products sa maong merkado kansa mas barato kumpara sa presyo sa ilang mga local products.
Iya na matud pa kining gipa-abot ngadto kang Mayor Lawrence Lemuel Fortun ilabina nga uncontrolled kini karon kansa gipamaligya usab sa mga malls nga naka-apekto og dako sa mga local growers.
Padayon karon ang ilang pakigdayalogo sa city government aron mapa-abot ang ilang mga concerns ilabina nga nagkadaghan na karon ang mga meat shops nga dakong hagit sa mga stall holders sulod sa maong merkado.
Nanghinaut sila nga matabangan sila sa city government tungod sa nag-ong ong nga usbaw sa buhis kansa hangak alang kanila tungod sa krisis nga nagtunhay karon dili lang dinhi sa siyudad kondili sa tibuok kalibutan rason nga gila-uman nilang duna’y moratorium alang niini.
