BUTUAN CITY – Giakusahan ni Ukrainian President Volodymyr Zelensky nga migamit ang Russia og mga missiles nga gikan sa North Korea.
Gipanglitan niini ang nahitabong airstrike sa Russia sa Zaporizhzhia, Ukraine diin dunay unom ang namatay ug 19 ang nasamdan.
Sigon sa Ukraine President nga kini ang unang higayon nga migamit ang Russia sa missiles gikan sa North Korea.
Dili matud pa kaya sa Russia nga makig-away nga walay tabang gikan sa ilang kaalyado.
Nagpakita lang matud pa ang mga kakulangon sa Russia tungod sa paggamit sa mga missiles gikan sa North Korea.
Gipaneguro niini nga mobalos ang Ukraine sa gihimong dakong pag-atake sa Russia.
Una niini giakusahan na ni Zelensky ang Russia nga dunay kapin 50-mil ka sundalo sa North Korea ang mitabang para sa giyera nila kontra sa Ukraine.
