BUTUAN CITY- Temporaryong gisudpendi sa Department of Agriculture (DA) ang pag-angkat sa Pilipinas og mga live animal ug pipila ka animal products gikan sa 7 ka nasud sa Middle East ug Europe tungod sa mga natalang outbreak sa foot-and-mouth disease (FMD).
Ubos sa Department Circular No. 39, gi-restrict una ang pagpasulod sa nasud sa mga buhi nga baboy, baka, kabaw ug uban pang mga mananap nga daling matakdan sa FMD, bisan paman ang fresh meat, casings, tallow, hooves, horns ug animal semen gikan sa Azerbaijan, Bahrain, Cyprus, Iraq, Israel, Kuwait, ug Palestine.
Sumala ni Agriculture Secretary Francisco Tiu Laurel Jr., importante kini aron maprotektahan ang livestock sector, panginabuhi-an sa mga mag-uuma, ug seguridad sa pagkaon sa nasud.
Sigon sa DA, gipatuman ang suspension human gikomperma sa Food and Agriculture Organization sa United Nations ang mga outbreak sa FMD virus serotype SAT1 sa mga apektadong lugar.
Gi-insistar usab sa secretary sa science-based ug precautionary ang lakang sa panggamhanan, samtang padayon nga gitugotan ang luwas nga pamatigayon sa mga produktong adunay veterinary ug import requirements.
Lakip sa mga produktong posible gihapong masulod sa nasud ang mga gi-ilang “safe commodities” sa World Organisation for Animal Health, sama sa UHT milk ug dairy products, heat-treated canned meat, protein meal, gelatin, ug pipila ka processed hides ug leather products.
