BUTUAN CITY- Gikwestyon sa Professional Criminologists Association of the Philippines kon PCAP ang memorandum nga gipagawas sa Commission on Higher Education kon CHED niadtong Hulyo 16, 2026, gikan sa Office of the Chairperson, nga nag-indorse sa 2nd ARC National Quiz Bee for Criminology Students ug gipadala ngadto sa mga public ug private higher education institutions.
Sumala ni Atty. Joseph Sereño, PCAP Regional Secretary and Legal Counsel, ang CHED isip regulatory body sa higher education adunay mandato sa pagtakda og mga sumbanan, polisiya ug quality assurance, apan dili kini usa ka pribadong organisasyon nga angay mo-endorse o mo-promote sa kalihokan sa usa ka pribadong review center.
Sigon niini, ang maong memorandum posibleng maghimo og potential regulatory-commercial conflict, tungod kay ang pag-indorse sa usa ka piho nga pribadong review center ug sa proprietary event niini mahimong tan-awon nga milapas sa regulatory ug policy-making functions sa CHED.
Gipasabot usab ni Sereño nga ilang gikwestyon kung ang maong endorsement sakop pa sa statutory mandate sa CHED, ilabina tungod sa posibilidad nga makahatag kini og dili patas nga bentaha sa usa ka pribadong review center ug makapukaw sa kabalaka bahin sa kompetisyon ug posibleng monopoly market sa criminology review services.
Dugang pa ni Sereño, nga naghatag na sila og statement kalabot sa maong issue kung asa nagbutyag nga dili na sakop o dili na function sa CHED ang pag-market o pag-promote sa maong Private review center, gani, mahimo kining magresulta sa paglapas sa Republic Act No. 6713 o ang Code of Conduct and Ethical Standards for Public Officials and Employees.
