BUTUAN CITY – Kumpirmadong dunay foul play ang kamatayon sa 2-anyos nga batang si Ian Miñoza sa Barangay Camayahan ning siyudad sa Butuan. Kini human hingpit nang nadawat ang resolta sa otopsiya sa iyang patay’ng lawas.
Sigon ni Police Major Ian Lodonia, Station Commander sa Butuan City Police Station-4, blunt traumatic injuries in the head o dunay gahe nga butang nga miigo sa ulo nga maoy hinungdan sa kamatayon sa biktima.
Dugang pa ni Lodonia nga dunay multiple fructure ang nawong niini samtang niliki usab ang bagul-bagul sa bata.
Tungod niini, klarong dunay foul play o dunay tawong mipatay sa bata tungod kay dili man makabuak sa bagol-bagol kung igo lang siya nahulog ba kaha sa balay.
Alayon niini mas gipalawman pa ang gihimong imbestigasyon sa kapulisan aron mailhan ang mipatay sa bata. Mibalik na matud pa ang mga imbestigador sa panimalay sa bata samtang ang ubang personahe didto sa crime scene sa tinguhang makakuha og dugang mga ebidensiya sama sa lama sa dugo.
Giklaro usab ni Major Lodonia nga sobra usa ka tawo ang persons of interest sa kamatayon sa bata.
