BUTUAN CITY- Padayon nga minghinay ang bagyong “Maymay” samtang minglihok kini pa-sidlakan habagatan-sidlakang parte sa Cordilleras. Sumala sa state weather bureau, ang sentro sa bagyo binaba-banang anaa palibot sa Gamu, Isabela.
Aduna kini gikusgon sa hangin nga 45 km/h duol sa sentro ug paghuros nga mo-abot sa 75 km/h, samtang naglihok kini sa gikusgon nga 20 km/h.
Nagpabiling gi-isa ang Signal No. 1 sa Ilocos Norte, Ilocos Sur, La Union, amihanan-kasadpang bahin sa Pangasinan (Bolinao, Anda, Bani), Apayao, Abra, Kalinga, Mountain Province, Ifugao, Benguet, mainland Cagayan, Isabela, Quirino, Nueva Vizcaya, ug amihana ug sentral nga mga bahin sa Aurora (Dilasag, Casiguran, Dinalungan, Dipaculao).
Gipahimanguan usab ang mga residente sa mga apektadong lugar nga magbinantatyon ug mag-ugmat sa posibleng pagbaha, landslide, ug sa kusog nga hangin.
