BUTUAN CITY- Gidayeg ni President Ferdinand Marcos Jr. ang Filipina tennis star nga si Alex Eala human niini makuha ang kampeonato sa 2026 Mubadala DC Open, kinsa nahimong pinaka-uanang Filipino WTA 500 singles champion sa kasaysayan.
Napildi ni Eala ang top seed nga si Jessica Pegula sa tulo ka set, 4-6, 6-4, 6-0, bisan pa sa rain delay ug kapildihan sa unang set. Sumala ni Marcos, ang kadaugan ni Eala usa ka makasaysayang kalampusan nga naghatag og dakong dungog sa Pilipinas ug nagdasig sa kabatan-onan sa pagdamgo og dako.
Ang maong titulo maoy pinakabag-o nga milestone sa karera ni Eala, nga kaniadto nakadaog usab sa WTA 125 Guadalajara Open ug Birmingham Open, ug gipasidunggan usab sa Malacañang tungod sa iyang talagsaong kampanya sa Wimbledon. Human sa maong kalamposan si Eala mingsaka na sa Top 20 sa World Tennis Ranking gikan sa kanhi World no. 28.
