Kapitan sa Brgy Camayahan, aminadong dili makapugong sa alegasyon sa iyang kagawad vs Meñoza parents

BUTUAN CITY – Giklaro ni Kapitan Marcelita Rodrigazo sa Brgy Camayahan ning siyudad sa Butuan nga isip opisyal sa barangay, dili unta angay nga maghukom gilayon sa isi’g katawo ilabina kung ang akusasyon, usa ka ngilngig nga kremin ug wala’y lig-ong basehan.

Sa eksklusibong pakighinabi ning sibyahan, gipadayag sa kapitan nga bugtong si Kagawad Ruben Canoy lang sa ilang barangay council ang hugot nga mibarog nga ang ginikanan matud pa sa biktimang bata ang responsable sa kamatayon niini.

Bisan og ila na matud pa kining gisultihan nga dili una mag-una una apan dili  matud pa nila mapugngan ang pagpagawas niini sa iyang pamahayag nga nagtumbok gayod sa mga ginikanan sa bata isip responsable sa kamatayon niini.