BUTUAN CITY – Buwag nga nakigtagbo si United States President Donald Trump ngadto nila Ukrainian President Volodymyr Zelensky ug Israeli Prime Minister Benjamin Netanyahu, kansa gihulagway sa White House nga positibo ug produktibo.
Nasayrang atua sa Washington ang duha ka lider aron mutambong sa lubong ni Senador Lindsey Graham, usa ka lig-ong supporter sa Israel ingon man advocate alang sa pagtabang sa US sa Ukraine human namatay sa sayong bahin ning bulana.
Gihisgutan nila Zelensky ug Trump ang paglaum sa Kyiv nga pakusgon sa Estados Unidos ang pagtabang sa ilang air defences.
Samtang sa kabahinan ni Netanyahu, mi-abot siya sa Washington sa panahon nga ang US-Israel ties nabahiran og managlahing panglantaw kalabot sa Iran.
Daan nang gila-uman nga ipamugos ni Zelensky ngadto kang Trump nga tumanon na ang saad niini ning mi-aging buwan atol sa NATO summit nga hatagan sila og lisenya aron maka-produce og mga Patriot interceptor missiles aron magamit nilang pangdepensa gikan sa nagkagrabe nga Russian drone ug ballistic missile attacks sa ilang tibuok nasud.
