BUTUAN CITY- Gibana-banang hingpit nang matanggal gikan sa bill sa kuryente ang system loss charge sa tuig 2027 adiser ang sunod nga State of the Nation Address (SONA) ni President Ferdinand Marcos Jr., sumala ni Energy Secretary Sharon Garin.
Ang system loss charge mao ang bayrunon sa kuryente alang sa kuryenteng nawaka samtang kini ming-agi ug gihatud gikan sa mga power plant padulong sa mga panimalay. Kini gimugna sa duha ka nag-unang hinungdan una ang technical losses o init sa mga wire ug kabtangan ug ang ika-duha mao ang non-technical losses o bumper o kawatan og kuryente ug guba nga metro.
Gi-angkon usab sa Secretary nga dili kini sayon tungod bisan possible sila nga mag-isyu og mga polisiya, posible matud pang madugay ang implementasyon niini sa kampo sa electric cooperatives.
Kalabot niini sigon ni Sec. Garin nga gilayon nilang sugdan ang paghisgot kalabot niini kauban Energy Regulatory Commission (ERC) ug National Electrification Administration (NEA).
Kung asa kinahanglang susihon ang kapin 100 ka electric cooperatives ug private distribution utilities aron matino ang mga gikinahanglang puhonan aron makunhoran ang recoverable system losses o mga nawalang kuryente sa sistema nga gipabayran sa konsyumer.
Samtang, sa higayong ma-implementa kini, gibana-bana sa Energy Department nga mo-ubos ang bill sa kuryente sa lima hangtud 10 porsyento, depende sa distribution utility.
