BUTUAN CITY- Giklaro sa Department of Foreign Affairs (DFA) nga ang mga produktong hinimo sa Pilipinas wala ming-gamit o wala magsalig sa forced labor o pinugsanay nga pagtrabaho.
Gihimo sa DFA ang pamahayag dungan sa gipahamtang nga 12.5% nga taripa sa US government sa 60 ka nasud lakip ang Pilipinas, nga daw kuwang sa aksyon batok sa forced labor.
Gihatagan og ginbug-aton sa DFA nga dugay nang napamatud-an sa Pilipinas na ang mga lokal nga produkto niini, lakip ang mga gipang-import sa Amerika wala mag dependi sa forced labor.
Sumala sa DFA, adunay mga balaod ang Pilipinas nga nagbawal sa forced labor ug padayon nga gipakusgan ang legal ug institutional framework niini pinaagi sa pagyag-yag og mga mekanismo aron imbestigahan ug matubag ang mga alegasyon kalabot sa mga produktong gihimo pinaagi sa forced labor.
Kalabot niini, padayon mayud pa nga makig-coordinate ang gobyerno sa Pilipinas sa ilang mga counterpart sa US sama sa Office of the United States Trade Representative (USTR) aron iapela ang taripa ug ipasabot ang panig sa nasud.
Sigon ni Philippine Ambassador to the United States Jose Manuel Romualdez niadtong Biyernes, makig-negosasyon sila nga kuhaan ang 12.5% nga taripa.
