BUTUAN CITY – Padayon pang gi-imbestigahan sa kapulisan sa Taguig City ang responsable sa pagpatay sa usa ka babaye nga napalgan sulod sa usa ka kolor blue nga maleta nga giputos pa og kolor itom nga garbage bag ug gilabay sa sapa sa Barangay Tanyag nga napalgan sa mga residente.
Gibanabana nga nag-edad kini og 35 hangtod 40-anyos ug adunay mga tattoo sa iyang paa ug kamot nga posibleng makatabang sa pag-ila kaniya.
Padayon karon ang panawagan sa kapulisan niadtong nawad-an og kabanay nga babaye nga mudalikat lang sa maong siyudad aron mailhan ang biktima, makit-an ang iyang pamilya, ug masuta ang tibuok kahimtang nga mutultol sa iyang kamatayon ilabina ang pag-ila sa responsable ug sa motibo sa kremin.
Nananawagan usab ang mga otoridad sa publiko nga motabang pinaagi sa paghatag og impormasyon kon adunay nakaila sa biktima.
