BUTUAN CITY – Subling musaka sa ring si undefeated nga Filipino boxer Weljon Mindoro karong Agosto 29, kondiin iyang atubangon ang beteranong Mexican boxer nga si Carlos Ocampo sa Los Angeles, California.
Si Mindoro nagdala sa limpyo nga record nga 17 ka daug, usa ka tabla, lakip na ang 16 ka daug pinaagi sa knockout.
Tinguha niya nga lig-unon ang iyang puwesto sa middleweight division sa usa ka non-title bout.
Sa iyang katapusang away niadtong Hunyo, napildi niya pinaagi sa unanimous decision ang Mexican boxer nga si Elias Espadas, nga nakaputol sa iyang 16 ka sunod-sunod nga knockout victories.
Samtang si Ocampo adunay record nga 38 ka daug, upat ka pildi diin 26 niini gipildi niya pinaagi sa knockout. Nakig-away na usab siya sa pipila ka bantogang boksidor sa world boxing sama nila Errol Spence Jr., Tim Tszyu, ug Sebastian Fundora.
Si Mindoro mao ang kasamtangang holder sa IBA Asian Middleweight title, nga iyang nadag-an niadtong 2024 human niya napildi si Australian boxer Joel Camilleri sa Dubai.
