BUTUAN CITY – Bukas ang House Prosecution Panel ugaling mu-apela sa Korte Suprema ang defense team ni Vice President Sara Duterte sa ruling ni impeachment court presiding judge Chiz Escudero nga mi-uyon sa sugyot sa prosekusyon nga i-subpoena ang mga tax ug bank records sa magti-ayong Vice President Sara Duterte ug Mans Carpio.
Sa eksklusibong pakighinabi sa Bombo Radyo Philippines, gipadayag ni House Prosecution spokesperson Zia Alonto-Adiong nga katungod sa defense team ang pagbuhat sa maong lakang kung kini maghatag og proteksyon sa ilang kliyente.
Wala mabalaka ang panig sa prosekusyon tungod kay dili lang kay kini ang unang lakang nga buhaton sa depensa tungod kay ingon niini usab ang ilang gihimo sa nangagi kondiin pulos kini gibasura sa Korte Suprema.
Sa lantaw sa house prosecutor, posibleng nasabtan sa taas nga korte ang posibleng matigayong constitutional crisis, sa mga desisyon nga posibleng ilang ipagawas.
Gipasabot ni Rep Adiong nga ang Korte Suprema gihatagan og pinasahing gahom sa batakang-balaud aron ma-exercise ang mandatong gihatag kaniya nga kinahanglang dili mag-restrict og mga special notes ubos sa Konstitusyon.
Gidugang pa ni Adiong nga ang Office of the President, nagrepresenta sa kinatibuk-ang katawhang Filipino rason nga ang pagbahad sa pangulo, makonsidera usab nga bahad ngadto sa sieguridad sa nasud ug katawhang Filipino.
Mandato matud pa ngadto sa National Bureau of Investigation kon NBI nga kung duna’y hulga ngadto sa presidente, rason nga angayang imbestigahan.
Dugang pa ni Adiong, daghang mga videos ang magpakita sa maong bahad sa besi presidente nga dili lang magtumbok sa zoom meeting niadtong Nobyembre 23, 2024.
