BUTUAN CITY – Gitaho sa Philippine National Police (PNP) nga mikunhod sa 20.6% ang crime rate sa Pilipinas sa nakalabay nga kapin tulo ka buwan sukad nga gilusad ang Safer Cities Initiative.
Sigon ni PNP Public Information Office chief Col. Allen Rae Co, bisan og dunay mga managsunod ug nag-viral nga krimen bag-ohay lang, gipamatud-an sa opisyal nga statistics nga mas luwas ang nasud karun kumpara sa mga nakalabay nga buwan.
Sukad sa Abril 6 hangtud sa Hulyo 4, 2026, mikunhod sa 7,883 ang natalang focus crimes kumpara sa 9,506 nga kaso niadtong unang tulo ka buwan o gikan sa Enero 6 hangtud sa Abril 5.
Lakip sa mga natalang pagkunhod ang sa carnapping, rape, physical injury, robbery, homicide, theft, ug murder.
Gipasabot sa PNP nga ang positibong trend na kini bunga sa mga lakang ang Safer Cities Initiative nga nagtumong nga pahugtan ang seguridad sa mga siyudad, mas gipakusog nga pagbantay ug presensya sa mga pulis sa mga komunidad, mitaas og 21.74% ang pagdakop sa mga misupak sa mga lokal nga balaod sama sa pag-inom sa pampublikong lugar, paggamit og karaoke lapas sa oras, paglakaw nga walay senina og curfew sa mga menor de edad.
Sumala sa kapulisan ang pagkaaresto sa mga milapas niini nakatabang aron mapug-ngan ang mga mas daghang krimen adiser pa man kini nahitabo.
Gi-angkon sa kapulisan nga dunay mga makakuha atensiyon nga krimen nga nahitabo sa nakalabay nga mga adlaw nga paspas nga mikaylap sa social media. Bisan paman niini gitumbok sa PNP nga wala niini gisalamin ang katibuk-ang sitwasyon sa nasud tungod kay ang katibuk-ang datos sa krimen padayon nga mikunhod.
