BUTUAN CITY- Naglusad ang administrasyon ni U.S. President Donald Trump og usa ka kampanya aron i-lahi ug buwagon ang International Criminal Court kon ICC tungod gi-ila kining hulga sa soberanya sa Estados Unidos.
Sumala sa taho, gipadayag ni US Secretary of State Marco Rubio nga hugtanong gilimod sa Estados Unidos ang gahom sa ICC nga mag-imbestiga o magkiha sa mga katawhan ug sa mga opisyal sa nasud.
Gani, inisyal nga tumong sa ICC nga susihon lang ang mga grabe nga pagsupak apan nahimong mas radikal ug mas minggrabe kini, dayong pagpamugos nga dili tugotan sa Trump administration ang korte nga pagahulgaan ang mga opisyal sa Amerika.
Ingon man sila US President Donald Trump ug uban pang susama ni kanhi President George W. Bush, dugay na usab gibutyag nga walay otoridad ang ICC nga mag-imbestiga ug magkiha sa Americans partikular na ang mga miyembro sa militar.
Sumala sa State Department official, kinsa minghangyo nga dili na hinganlan, nga pipila sa mga gikonsiderang opsiyon aron i-target ang ICC mao ang pagpatuman og travel bans, rebokasyon sa visa, pagpahugot pa sa sanctions batok sa ICC, ug sa ilang mga affiliated organizations ug diplomatic pressure sa ubang nasud arom mobuwag gikan sa international tribunal.
Samtang sigon usab ni ICC spokesperson Oriane Maillet, nga dili magkomento sa pagkakaron ang korte kalabot sa maong higutanan.
