BUTUAN CITY – Milagrong naluwas nga buhi sa mga rescuers ang usa ka babaye ug tulo niya ka mga anak gikan sa mga tipaka sa nahugmak nilang pinuy-anan sa La Guaira state sa Venezuela — 12 ka adlaw human mi-igo ang kusog nga mga linog.
Narekober ang mag-inahan sa usa ka gamay nga protrectadong espasyo ilawom sa nahugmak nga building samtang gi-antus ang kagutom, mga samad ug limitadong oxygen samtang gihulat nga matapos ang 72-oras nga pagluwas sa mga rescues kanila.
Ma-ampingon ang lihok sa mga emergency crews ug mga volunteers aron makuha ang gipangkapoy na apan conscious pa nga mga survivors.
Ang emosyunal nga hitabo paspas nga na-share online.
Ang dili makalimtang pagluwas sa mga biktima nagdala og gamhanang mensahe sa paglaum taliwa sa trahedya nga mikalas og libuang kinabuhi, ug mi-angol sa lain pang libuan ug nagtala usab og daghang mga missing.
Nasayrang duna pa’y pipila ka mga survivors ang naluwas usab ning nakalabay’ng mga adlaw apil na ang walo ka adlaw pa lang nga bata uban sa iyang inahan.
