BUTUAN CITY – Naglunsad ang Iran og mga missile attacks batok sa duha ka base militar sa Estados Unidos sa Jordan, isip balos sa pag-atake sa US sa Larak Island, sa habagatang bahin sa Iran kagahapong adlawa Dominggo.
Sumala sa Islamic Revolutionary Guard Corps o IRGC, ang kombinasyon sa missile ug drone attack gitawag nilang “Punishment of the Aggressor” ug gitumong sa King Hussein ug Al Azraq air bases sa Jordan.
Sigon sa IRGC, nakadaot og maayo ang ilang pag-atake sa mga pasilidad ingon man sa mga lugar diin gibutang ang mga aircraft fighters sa US.
Apan sigon sa Jordan, ilang na-intercept ang walo ka missiles nga misulod sa ilang airspace sayo kaganina ug wala usab gitaho nga adunay na-angol sa duha ka base.
Gipasidaan sa IRGC nga ang matag pag-atake batok sa Iran, baslan nial og mas kusog ilabina sa isyu sa kontrol sa Strait of Hormuz.
Gikabalak-an nga musamot pag-usab ang tensyon ug panagbangi militar tali sa Iran ug US, samtang nagbalhin ang Washington gikan sa bombing campaign ngadto sa mas kusog nga financial pressure batok sa Tehran.
